MA.3
Grondezzas, funcziuns, datas e casualitad
A
Operar e numnar
2
Las scolaras ed ils scolars san stimar, mesirar, transfurmar, arrundar grondezzas e far quints cun quellas.
renviaments
MA.3.A.2
Las scolaras ed ils scolars ...
1
a
- san reparter lunghezzas e volumens (p.ex. tagliar ina corda en parts ch'èn circa tuttina lungas u reparter aua sin plirs magiels).
- san parter in di en damaun, mezdi, suentermezdi, saira e notg (p.ex. attribuir activitads a las differentas parts dal di).
b
- san furmar summas entiras da francs fin 20 francs sco era adir e subtrahar.
- san eruir las uras cun in'exactadad d'ina mes'ura.
c
- san stimar, mesirar ed adir lunghezzas fin 1 m (p.ex. 15 cm + 35 cm).
- san dublegiar e smesar lunghezzas e summas da daners, parter 1 meter en 2, 5 e 10 parts tuttina lungas sco era furmar summas entiras da francs fin 100 francs cun munaida e bancnotas.
d
- san furmar summas da daners cun francs e raps sco era adir e subtrahar (furmar 20 francs cun 2 · 5 fr. + 5 · 2 fr.; 25 fr. 60 rp. + 14 fr. 30 rp.).
- san eruir las uras a moda analoga e digitala.
2
e
- san stimar, mesirar e transfurmar grondezzas en proximas unitads da mesira: l, dl; m, cm, mm; kg, g (p.ex. 2000 g = 2 kg).
- san adir, subtrahar e multiplitgar grondezzas: l, dl; m, cm, mm; kg, g (p.ex. 3 cm 5 mm + 2 cm 7 mm).
- san stimar lunghezzas, volumens e pais e cumparegliar quels cun valurs represchentantas.
f
- san stimar e mesirar lunghezzas, pais, cuntegns, uras e duradas sco era specifitgar cun in'unitad da mesira adattada.
g
- san far quints cun lunghezzas, pais, volumens ed uras sco era transfurmar grondezzas correspundentas en unitads da mesira vischinas.
h
- san stimar, eruir, cumparegliar ed arrundar grondezzas (daners, lunghezzas, pais resp. massa, uras, volumens [l]), far quints cun quellas, transfurmar quellas en proximas unitads da mesira e scriver ellas en duas unitads.
3
i
- san stimar surfatschas e volumens [m³] en in'unitad da mesira adattada e transfurmar quels en unitads da mesiras vischinas.
- san cumparegliar grondezzas a moda absoluta e relativa (p.ex. 120 tocs u 60 % resp. ⅗ d'ina quantitad).
- san mesirar distanzas e duradas per calcular sveltezzas.
j
- san trair a niz il sistem da las unitads da mesira decimalas (sistem SI) ed attribuir ils prefixs mega, kilo, deci, centi e milli a las potenzas da diesch.
k
- san far quints cun facturs cumponids e transfurmar grondezzas d'ina unitad en in'autra.
- san transfurmar sveltezzas (p.ex. da 200m/10s en 72 km/h).
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016